Laçi mori një fitore të madhe në shtëpi javën e fundit, duke mposhtur Egnatian me rezultatin 2-0. Teksa para kësaj sfide, kurbinasit ia dolën që të mposhtnin Vllazninë me shifrat 3-1 dhe barazonte 1-1 me Tiranën.
Duket se trajneri i ri Francesco Moriero e ka shndërruar ekipin, duke e bërë që të krijojë ide për objektiva të tjera. 7 pikë në 3 ndeshje përballë super ekipeve, nuk janë pak për një ekip që para se të mbërrinte Moriero po “përpëlitej” në fundin e tabelës.
Megjithatë, edhe pse Moriero po bën një punë të mirë, Laçi e ka problemin te organika. Kurbinasit nuk kanë një përbërje një bomber. Kjo shihet edhe nga golat, të cilat janë shënuar nga futbollistë të ndryshëm.
Deri më tani Laçi ka shënuar 10 gola, ku rrugën e rrjetës e kanë gjetur, Prodani, Papa, Mjaki, Kurti, Traore, Ballhysa dhe Boçka. Një autogol nga Jarmouni në sfidën ndaj Tiranës, teksa kryeson William Cordeiro me dy gola.
Lexo gjithashtu
