Vllaznia nuk ia doli të shkone më shumë se raundi i dytë në Conference League. Shkodranët i dhanë fund aventurës së tyre në këtë turne, teksa humbja 4-2 ndaj Vikingur në transfertë ishte e “dhimbshme”.
Pas disa ditësh nga kjo sfidë, klubi shkodran ka menduar të falenderojnë tifozët për mbështetjen. Nëpërmjet një postimi, drejtuesit u janë mirënjohës tifozëve, të cilin nuk munguan as në Islandën e largët. Ndër të tjera theksojnë se janë një shtysë e madhe për të ecur përpara.
“Edhe në Islandën e largët, ata ishin si gjithnjë pranë skuadrës për ta mbështetur. Ndonëse fundi i ndeshjes ndaj Vikingur nuk ishte ai i duhuri, sërish prania e tifozëve në shkallët e stadiumit të Rekjavikut, është një shtysë e madhe për të gjithë pjestarët e Vllaznisë për të bërë edhe më mirë në të ardhmen.
Faleminderit me gjithë shpirt për suportin tuaj!”, ka shkruar klubi.
View this post on Instagram
Lexo gjithashtu
