Dinamo pavarësisht se luftoi deri në ndeshjen e fundit për të siguruar “Final – Four”, sërish nuk ia dolën të mbyllnin sezonin në top-4. Në 5 javët e fundit kampionat “Blutë” bënë “vetvrasje”, teksa ia dolën të marrin vetëm 1 barazim.
Por humbja që dhemb më shumë është ndaj Egnatias, e cila erdhi nga një gabim i lojtarëve të “Nëndetëses”. Behiratche ngatërroi portat, duke shënuar në të tijën dhe për t’i dhuruar kështu fitoren rrogozhinasve.
Siç duket ky autogol i kushton shtrenjtë mbrojtësit. Ky i fundit ka dalë jashtë planeve të drejtuesve dhe largimi i tij është i pashmangshëm. Mungesa e tij në sfidën me Teutën ra në sy, ku emri i lojtarit nuk figuronte në protokollin e sfidës. Një ndëshkim për lojtarin që konfirmon në një farë mënyrë edhe largimin e tij nga Dinamo.
Kujtojmë se kontrata aktuale e 24-vjeçarit përfundon në qershor të këtij viti, ndërsa u bë pjesë e dinamovitëve në verën e vitit të kaluar, ku nga Tirana kaloi te Dinamo. Gjithsesi nuk ka ende asnjë reagim nga palët dhe mbetet të shihet se çfarë do të ndodhë në ditët në vazhdim.
Lexo gjithashtu
