Orges Shehi u zyrtarizua si trajner i Partizanit në fundin e vitit të kaluar. Kontrata e firmosur për 2 vite e gjysmë tregoi besimin që drejtuesit i dhanë te klubi i kuq.
Aventura e tij deri tani me 17 herë kampionët rezulton të jetë dështim. Kjo pasi asnjë trofe nuk u fitua, ndërsa objektivi për kalimin e 2 tureve në Europë po ashtu nuk u kompletua.
Fillimisht ishte eleminimi i hidhur në Kupën e Shqipërisë nga Kukësi, që trazoi ujërat te Partizani. Verilindorët që ranë nga kategoria, surprizuan nënkampionët duke i përmbysur rezultatin në stadiumin “Arena e Demave”.
Më afër shkoi te objektivi Shehi në kampionat. Vetëm finalja e humbur ndaj Egnatias 0-1 i mohoi trofeun trajnerin durrsak.
Në Europë është një eksperiencë për t’u harruar. Pikërisht në turin e dytë, kur kundërshtarët e Iberias ishin më pak favoritë, surprizuan Partizanin.
Kampionati është pranë fillimit. 7 muaj me Shehin në krye mund të konsiderohen dështim, nëse mendon objektivat e vendosur. Tashmë mbetet për t’u parë si do nisë kampionati i sezonit 2024/25.
Lexo gjithashtu
