Elton Cale është padiskutim një nga futbollistët që të gjithë e mbajmë mend, sidomos tifozët bardheblu. Braziliani shumë shpejt u kthye në një lojtar kyç te kryeqytetasit, duke i ndihmuar Tiranën me gola e asiste.
Por nëse një pjesë e kryeqytetit e pëlqente Calen, pjesa tjetër e kishin “zili”. Kjo pasi braziliani mund të konsiderohet si “makthi” i Partizanit në ndeshjet derbi, teksa bën te “lëmsh” gjithë mesfushën e kuqe.
Së fundmi 36-vjeçari ka bërë një postim në rrjetet sociale, ku duket i veshur me fanellën e Tiranës. Madje nuk nguron të përmend edhe bardheblutë në postimin e tij, duke u rikthyer kështu pas në kohë ose mbase për të lajmëruar një rikthim në kryeqytet.
Ky postim vjen vetëm pak javë para derbi të kryeqytetit mes Tiranës dhe Partizanit, takim që do të luhet më 1 dhjetor në orën 19:00. Gjithsesi 36-vjeçari aktualisht është pa një skuadër dhe ekipi i fundit me të cilin ka luajtur është Gjilani.
Lexo gjithashtu
