Ditën e sotme janë zhvilluar dy takimet e para të javës së 30-të të Superiores. Egnatia dhe Tirana janë ndalur në barazim me shifrat 1-1 ditën e sotme në “Arena Egnatia”.
Rrogozhinasit kaluan në avantazh me Sotën, por Soler barazoi shifrat duke i dhënë një pikë ekipit bardheblu. Tirana pozicionohet provizorisht në vendin e 7-të të kampionatit me 31 pikë, por duhet të presë rezultatet që do të marrin Bylisi dhe Teuta nesër për të siguruar vendin momental.
Egnatia nga ana tjetër kryeson renditjen me 4 pikë më shumë se Dinamo që do të dalë në fushë nesër.
Skënderbeu ka mposhtur Vllazninë në Shkodër sot me shifrat 2-1. Saleh Nasr ishte protagonist me dopietë, ndërsa për kuqeblutë shënoi Qato. Ekipi korçar është ngjitur në vendin e parafundit me 30 pikë duke lënë poshtë Teutën me një pikë që luan nesër. Ndërsa Vllaznia e qetë ndodhet në vendin e tretë me 50 pikë, shtatë pikë përpara Partizanit.
Lexo gjithashtu
