Bylis pëson një tjetër disfatë, kësaj rradhe në transfertë ndaj Vllaznisë. Ballshiotët u mposhtën 2-0, por shpërdoruan një rast të artë për barazimin 1-1 me Flamur Ruçin që humbi një 11-metërsh. Trajneri Emmanuel Egbo foli në përfundim të ndeshjes ku shprehu zhgënjimin e tij për rezultatin e sotëm.
“Patëm një mundësi të mirë për të barazuar me atë penalltinë që humbëm. Patëm edhe raste në kundërsulme. Sa më shumë ikin minutat aq më shumë shtohet presioni. E dinim që do të ishte e vështirë ndaj një pretendenti për titull. Pas penalltisë së humbur, ndryshoi çdo gjë.
Ndryshimi i Ruçit pas humbjes së penalltisë? Ishte Gjata gati, s’kishte të bënte me penalltinë. Unë nuk jam ai tip. Ruçi ishte i konsumuar dhe donim të luanim me 2 sulmues.
Me lojtarët që kemi, pengesat që kemi me lojtarë të huaj e ato shqiptar, kartonët e verdhë, sjell që të ketë ndryshime në formacion. Sot spostuam Abazajn në mesfushë për shkak të kësaj. Por, edhe skuadra kërkon freski sepse disa lojtarë kanë luajtur 5-6 ndeshje nga 90 minuta.
Kam shumë besim te skuadra, sidomos në ndeshjen e rradhës në shtëpi. Do japim maksimumin. Do të mundohemi që çdo ndeshje në shtëpi të marrim 3 pikë. Kampionati është shumë i gjatë”, tha Egbo.
Lexo gjithashtu
