Skënderbeu do të luajë në gjysmëfinalen e “Final – Four” ndaj Partizanti, takim që do të startojë në orën 20:00 ditën e premte në stadiumin “Air Albania”. Një duel mjaft delikat dhe shumë i rëndësishëm për skuadrat në rrugën e tyre drejt titullit.
Korçarët nuk janë aspak një kundërshtarë i lehtë për Partizanin. Korçarëet këtë sezon janë skuadra që i kanë marrë kryeqytetasve plot 7 pikë. Ekipi i udhëhequr nga Ivan Gvozdenovic i ka mposhtur në dy ndeshjet që janë zhvilluar në Korçë.
Ndërkohë nga krahu tjetër në duelet e zhvilluara në kryeqytet kanë arritur të marrin 1 pikë. Kjo tregon se të kuqtë i kanë mposhtur vetëm në ndeshjen e fazës së 4-të. “Ujqërit e Dëborës” kanë arritur të shënojnë 3 gola në portën e demave, ndërsa të kuqtë kanë dërguar topin në rrjetë 2 herë.
Pavarësisht rezultateve vlen të theksohet se Skënderbeut i duhet vetëm fitorja për të kaluar në finalen e titullit. Nëse pas 90-të minutave nuk ka në fitues, atëherë kalon më tej Partizani, pasi ka përfunduar sezonin e rregullt të Superiores në vendin e dytë në tabelën e klasifikimit.
Lexo gjithashtu
