Hapësire reklamuese

Çështjet kryesore

SUPERIORE

“Nuk jam trajner Facebook-u”, Cungu ‘thumbon’ Deden e Memellin: Trajner ekipesh që japin mend gjysmë ore pas ndeshjeve, e pamoralshme

Shkruar nga NEWSPORT
“Nuk jam trajner Facebook-u”, Cungu ‘thumbon’ Deden e
Armando Cungu, Nevil Dede, Migen Memelli

Armando Cungu nuk është përmbajtur aspak kur bëhet fjalë për punën e tij te Laçi. Trajneri i kurbinasve ka shigjetuar Nevil Deden dhe Migen Memellin të cilët, sipas opinioneve të tyre, u shprehën se Flamurtari dominoi bardhezinjtë në finalen e Play-Out.

“Kam dëgjuar disa individë me shumë vëmendje që pas ndeshjes me Flamurtarin që kanë thënë që Flamurtari e ka dominuar ndeshjen. Nuk e di me çfarë syri e shohin. Megjithatë, unë e di çfarë kanë bërë këta persona në futbollin shqiptar. Kështu që, nuk i marr shumë për bazë ato që thonë.

Laçi dominoi lojën në përgjithësi. Patjetër që, kishim oshilacionet tona në minuta të caktuara. Persona të ndryshëm që flasin nëpër studio televizive e kanë shumë kollaj të flasin nga karriget e ngrohta dhe për t’iu dhënë mend të tjerëve. Duhet të vijnë të provojnë se çfarë do të thotë të jesh trajner dhe të vendosen në këto pozita.

Në fakt, kur kanë qenë vetë në drejtim të skuadrave, nuk kanë qenë të zotët t’i japin mend askujt. Kjo është ajo problematika që ato duhet të kuptojnë se çfarë ndodh në fushën e lojës. Nuk mund ta pranoj kurrsesi se Flamurtari ishte më lart se Laçi. Nëse ka ndonjë person që konteston, atëherë nuk di çfarë të them.

Kam dëgjuar edhe një trajner pas ndeshjes së Laçit, në studion e MCN, i cili bën trajnerin në një ekip dhe vjen e jep mend pas gjysmë ore, gjë që është e papranueshme, e pamoralshme dhe joprofesionale. Gjithsesi, këto ndodhin në Shqipëri dhe jemi vendi i çudirave dhe duhet t’i pranojmë ato.

Nëse ka pasur problematika, ju bëj ftesë zotërinjve ta shohin ndeshjen në YouTube, të marrin letër e laps dhe të mbajnë shënime si ka shkuar ndeshja e ku kanë qenë problematikat. Unë nuk jam trajner Facebook-u dhe Instagram-i. Shoh punën time dhe merrem me atë që di të bëj”, tha Cungu në 'Elite'.

Kujtojmë që Laçi fitoi me rezultatin 3-1 në Extra-Time duke siguruar për një tjetër sezon pjesëmarrjen në elitën e futbollit shqiptar.

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga