Ekipet shqiptare po u japin dorën e fundit përgatitjeve për kompeticionet europiane. Kështu Egnatia, Partizani, Tirana dhe Vllaznia prej ditësh kanë vazhduar përgatitjet intensive në mënyrë që lojtarët të jenë në 100% e tyre.
Ekipi i Edlir Tetovës do të jenë të parët që do të nisin rrugëtimin e tyre në Champions League. Rrogozhinasit ai dolën të fitojnë titullin kampion për herë të parë në histori dhe po kështu do të luajnë për herë të parë në këtë turne. Kundërshtari i tyre në turin e parë është ekipi i Borac Banja Luka. Sfida e parë mes tyre do të luhet ditën e mërkurë në orën 21:00 në stadiumin “Gradski stadion Banja Luka” në Bosnje – Hercegovinë.
Ndërkohë ditën e enjte është radha e 3 ekipeve të tjera për të zbritur në fushën e lojës dhe për të luajtur në Conferencë League. Kështu në orën 19:00 Tirana do të sfidojë në transfertë ekipin e Torpedo Kutaisin. Kjo përballje do të luhet në stadiumin “Stadion Ramaz Shengelia” në Kutais në Gjeorgji.
1 orë më pas do të jetë radha e Partizanit. “Demat” do të presin në “Elbasan Arena” në orën 20:-00 ekipin e Marsaxlokk. Duel ku të kuqtë do të synojnë ta nisin me këmbëm e mbarë këtë aventurë.
Në orën 21:00 Vllaznia do ta nisë aventurën e saj në Conference League në transfertë. Shkodranët do të përballne me Valur. Kjo sfidë do të luhet në stadiumin “Hlídarendi” në Islandë.
Lexo gjithashtu
