Egnatia do të presë në Elbasan Arena, Borac Banja Luka më 17 korrik në orën 21:00 për të luajtur ndeshjen e kthimit të raundit të parë kualifikues të Champions League. Rrogozhinasit do të tentojnë përmbysjen pas humbjes minimale në Bosnje.
Sfida e parë ishte e ‘mallkuar’ për kampionët e Superiores teksa u ndëshkuan në minutën e 96’, por gjithashtu morën edhe dy kartonë të kuq, Zejnullai e Ndreca. Këta dy të fundit do të jenë mungesa shumë të rëndësishme.
Mbi të gjitha, episodi i tifozëve serb që bënin thirrje kundër Kosovës ishte skandali i rradhës ku UEFA ka vendosur që ta konsiderojë këtë duel si ‘ndeshje me risk të lartë’. Qeveria e futbollit ka ndryshuar edhe arbitrin e sfidës i cili ishte Andrea Colombo. Kryesor do të jetë arbitri i njohur i Serie A, Fabio Maresca të cilit do t’i besohet drejtësia në këtë sfidë delikate.
Kujtojmë që tifozët serb nuk do të lejohën të udhëtojnë drejt Shqipërisë, njëjtë si ata rrogozhinas që nuk udhëtuan drejt Bosnjes.
Arbitër kryesor: Fabio Maresca
Asistentë: Stefano Alasio & Davide Moro
Arbitër i 4: Ermand Feliciani
Lexo gjithashtu
