Filip Najdovski ka mbyllur fatkeqësisht para kohe këtë sezon. Mbrojtësi u dëmtua ndaj Laçit dhe sipas informacioneve futbollisti ka probleme me tendinën e gjurit dhe prej ditësh po bën terapi.
Një mungesë e rëndësishme për bardheblutë në “sprintin” final të këtij sezoni, me Erbim Fagun që tashmë në dy sfidat e mbetura do të ketë një alternativë më pak. Por nga ana tjetër sfida me kurbinasit me shumë gjasa është e fundit me fanelën e kryeqytetasve për Najdovskin.
31-vjeçari dhe drejtuesit e Tiranës kanë vendosur të mos rinovojnë kontratën mes tyre dhe në këto kushte mbrojtësi do të ndajë rrugët me kryeqytetasit. Kujtojmë se Najdovski është bërë pjesë e bardhebluve në vitin 2020, duke u kthyer në një titullar për skuadrën, ndërsa deri në janar të këtij viti ka mbajtur edhe shiritin e kapitenit. Ofertat për të nuk mungojnë dhe pritet me interes për të mësuar se ku do të jetë e ardhmja e 31-vjeçarit.
Lexo gjithashtu
