Orges Shehi
Partizani afroi Orges Shehin në fundin e vitit të kaluar, pasi nisi faza e pushimit të Superiores. Trajneri durrsak erdhi për të ndryshuar kampionët në fuqi, që e mbyllën vitin me disa rezultate negative.
Ndryshimi që pritej nuk ka ardhur. Kështu pas 12 ndeshjesh në Superiore me Orges Shehin, Partizani numëron 4 fitore dhe po aq humbje e barazime.
Në rast se ndërtohet një renditje e Superiores vetëm nga java 19 deri 30, “Demat” pozicionohen në vendin e 6. Për më tepër, Partizani është eleminuar nga Kupa e Shqipërisë që ishte objektiv për këtë sezon.
Ndeshja e radhës luhet këtë të diel, në Rrogozhinë përballë Egnatias. Takimi nis në orën 15:00 dhe konsiderohet mjaft i rëndësishëm për të provuar vendin e dytë para “Final 4”.
Poll
Lexo gjithashtu
