Këtë javë luhet derbi i kryeqytetit në Superiore dhe “ethet” kanë filluar të ndihen që tani. Një nga takimet që sa herë luhen përfliten shumë vite më vonë, Tirana kundër Partizanit prodhon që në fillim të javës së derbit shumë debate, emocione apo dhe kujtime.
Një kujtim ka dashur dhe Eraldo Çinari të ndajë me ata që e ndjekin në rrjetet sociale. Futbollisti që po shkëlqen në Armeni me Noah ka shpëndarë në story një nga episodet personale ndaj bardhebluve. Ish-lojtari i “Demave” e ka përshkruar videon si një memorie para derbit, duke tregaur se e ndjek ende Superioren e mbi të gjitha nuk e ka harruar fanellën e kuqe që e veshi për 3 vite.
28 vjeçari është një produkt i Vllaznisë së moshave, por ka luajtur dhe meekipin e të rriturve tek shkodranët. Mesfushori i ligës armene ka provuar disa ekperienca jashtë shtetit si Alavaes në Spanjë apo Samsunspor, klubi i Arbnor Mujës në Turqi.
Çinari aventurën e fundit në futbollin shqiptar e pati me të kuqtë. Ai nuk harron të na sjell pak aromë “lufteje” me golin e ti ndaj Tiranës si një kujtim me mjaft emocione për këdo që e mban mend. Tashmë, Eraldo po mahnit në Conference League, po dikur ai mposhte sistematikisht rivalët e urryer të kryeqytetit.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
