Bylis – Dinamo nuk shkuan më shumë se barazimi 0-0 mes tyre në “Adush Muça”. Një barazim që i ndal sërish ekipet, të cilat prej disa javësh nuk e njohin fitoren.
Pas barazimit ka folur Mirel Josa, i cili ka theksuar se:
“I kënaqur me performancën e skuadrës? Me performancën jam i kënaqur. Me paraqitjen e skuadrës ditën e sotme pas 2 ndeshjeve jo të mira, jam i kënaqur. Siç erdhi loja ne mund ta fitonin, por edhe mund ta humbin ndeshjen.
Ne e dimë se si është Dinamo, ekipet u hapën shumë dhe kishte disa raste. Një sfidë ku të dyja ekipet e kërkuan fitoren me mënyrat e veta. Unë jam i kënaqur, pasi skuadra bëri luftë më shumë se në sfidat e tjera.
Dy ndeshjet e fundit? Thjeshte duhet të kishim më shumë përqendrim. Kemi punuar shumë me mesfushorët, sot luajtëm me 3 mefushorë dhe ishin në gjendje të mirë. Sot kishte raste që u nxituam, duhet të kishim më shumë durim. Nuk jam i kënaqur me rezultatin, pasi nuk hyjmë në lojë për të barazuar, por me lojën bëmë më mirë se në ndeshjet e tjera.
Sot ishim pa mbrojtës të djathtë klasim dhe ne nxorëm Koçin që të bënte diçka të tillë. Kur të fitonim topin të dilnim përpara.
Unë vuaj pikët që kam humbur më përpara dhe nuk vuaj 2 pikët e sotme. Ne duhet të jemi shumë të kujdesshëm që gabimet dhe mangësitë në lojë t’i përmirësojmë për duelet e tjera. Kampionati është i gjatë”, ka theksuar Josa.
Lexo gjithashtu
