Tirana vijon përgatitjet për startin e edicionit të ri të Superiores. Bardheblutë janë rizhvendosur në juglindje të Shqipërisë, në Pogradec aty ku do të zhvillojnë fazën e dytë përgatitore.
Merkato mund të quhet e mbyllur për kryeqytetasit me përjashtim të ndonjë mundësie të mirë në ditët e fundit. Kështu, Bledi Shkëmbi do të ketë në dispozicion Tiranën e plotë për t’i dhënë dorën e fundit përgatitjeve para 18 gushtit kur nis edhe kampionati.
Klubi zbardhi edhe axhendën e kësaj fazë ku do të luhen 4 miqësore. E para ishte ndaj Skënderbeut në Korçë e cila u mbyll në një barazim 2-2. Sot do të zhvillohet e dyta, ndaj Vorës në Pogradec duke nisur nga ora 17:30.
Trajneri Shkëmbi ka ideuar edhe formacionin titullar që deri më tani duket si 11-shja titullare e Tiranës për sezonin e ri.
Formacion i mundshëm:
Tirana (4-3-3) – Selmani; Arhan, Dembele, Mici, Përgjoni; Abag, Meta, Jonuzi; Haxhiu, Jarmouni, Prengaj
Trajner: B.Shkëmbi
Lexo gjithashtu
