Partizani dhe Egnatia kanë barazuar në supersfidën e javës së 16-të të Superiores. Ndeshja e zhvilluar në stadiumin “Arena e Demave”, përfundoi me rezultatin 1-1. Pas kësaj sfide ka folur trajneri i Egnatias, Edlir Tetova.
“Si shkoi ndeshja jam i gëzuar tani në fund pasi arritëm të barazonim. Por si kronologji, me rastet e krijuara dhe volumin në fushë, meritonim më shumë. Në pjesën e parë nuk funksionoi aspak manovra, ishte e vakët. Në pjesën e dytë kemi qenë në një të dytën e kundërshtarit.
Duam t’i japim Kasës minutazhin e duhur sepse është një lotjar që ka vlera. Nuk dua ta humb si herën tjetër, që i dhashë 6 ndeshje radhazi dhe e humba. Më pas do të shikojmë dhe sistemin. Mendoj që sot kishim disa lojtarë që nxitoheshin shumë në pasime. Gjithçka më tej shkoi drejt perfeksionit, kjo pikë ka vlerë.
Egnatia nuk është e varur nga Kasa. Mendoj që edhe lojtarët e tjerë bëjnë mirë. Vetëm se Kasa ka qenë dhe më përpara di kohën dhe përshtatet shumë mirë, por edhe të tjerët janë po kaq efikasë së Kasa”, është shprehur Tetova.
Lexo gjithashtu
