PARTIZANI – EGNATIA 0- 1 (Ibrahimoglu 35')

NDESHJA: 

EGNATIA është zyrtarisht skuadra kampione e Superiores. Rrogozhinasit shkruajnë historinë në futbollin shqiptarë, teksa ngrejnë lart trofeun e titullit për herë të parë në historinë e tyre. Egnatia triumfoi 1-0 ndaj Partizanit në “Air Albania”, ku goli i Ibrahimoglu do të vendoste fatet e këtij takimi.

Egnatia kishte një dominim absolut ndaj Partizanit në pjesën e parë. Rrogozhinasit bënë një lojë të mirë në 45-minutat e para, duke “shtypur” demat në “Air Albania”. Sigurisht goli i Ibrahimoglus në minutën e 35-të të pjesës së parë ngriti “peshë” të gjthë rrogozhinasit, ndërsa la të shtangur nën vend të kuqtë. Po në pjesën e parë, të kuqve iu anulua një gol, pasi Taylor pa një faull brenda zonës së Egnatias.

Edhe pjesën e dytë ekipi i Edlir Tetovës e nisi vrullshëm, por më pas Partizani nisi të fitonte terren. Rrogozhinasit u mbrojtën më shumë, teka nuk munguan rastet për gol në të dyja portat. Alen Sherri në minutën e 67-të bën një pritje fantastike, teksa ndal në gol të sigurtë të Taipit.

Gjithashtu Spahiu në minutën e 81-të të sfidës goditi shtyllën, me Egnatian që i shkoi këshut afër golit të dytë. Minutat e mbetura do të ishin mjaft të luftuara, por nuk do të kishte ndryshim rezultati deri në fund. Egnatia fiton kështu ndaj Partizanit dhe koleksionon trofeun e titullit që është i pari në historinë e klubit rrogozhinas dhe janë pikërisht të kuqtë që i dorëzojnë kurorën në “Air Albania”.

Fitorja e titullit vjen vetëm pak javë pasi Egnatia triumfoi edhe në Kupën e Shqipërisë ndaj Kukësit, po në stadiumin “Air Albania”.

Final – Four: Finalja e titullit

Stadiumi: “Air Albania”

Arbitër: Anthony Taylor

Formacionet zyrtare:

PARTIZANI: Qirko, Atanaskoski, Sota, Sembene, Hadroj, Murataj, Maget, Rrapaj, Bintsuka, Cara, Mba. Trajner: Orges Shehi

EGNATIA: Sherri, Fangaj, Dulis, Malota, Xhemajli, Ndreca, Aleksi, Zejnullai, Fernando, Ibrahimoglu, Montenegro. Trajner: Edlir Tetova

Komenti minutë pas minute:

90+7' - Fantastike! Superiorja ka një kampione te re. Egnatia mposht Partizanit dhe fiton titullin e pare në historin e klubit.

 

93' - E pabesueshme sa afer i shkon golit Skuka, gjuajta e sulmuesit shkon shume afer traverses.

Rasti i Skukes

81'- Egnatia afer golit te dyte, Spahiu ndalet nga shtylla.

Rasti i Spahiut

67'- Alen Sherri eshte heroi i Egnatias. Portieri ben nje pritje me arome titulli, teksa i thote "JO' Taipit.

Rasti i Taipit dhe pritja e Sherrit

61'- Spahiu provon të surprizojë dhe gjuan nga distanca, me topin që shkon afër shtyllës.

49'- Përgjigjen te Partizani, Cara humbet rastin ideal.

Rasti i Carës

47'- Egnatia niset menjëherë në kundërsulm, Montenegro godet në shtyllën e dytë, por nuk ka saktësinë e duhur.

Rasti i Montenegros

46'- Nis pjesa e dytë, Partizani në kërkim të golit të barazimit.

45+4'- Mbyllet pjesa e parë, Egnatia kryeson me golin e Ibrahimoglus.

43'- Ibrahimoglu leshon nje predhe, Pano Qirko ndal sulmuesin e rrogozhinasve.

Gjuajtja e Ibrahimoglu

39'- E pabesueshme çfarë humbet Partizani. Mba bën më të vështirën para Sherrit.

Rasti i Mba

35'- Ibrahimoglu kalon Egnatian në avantazh. Partizani në disavantazh. 

Goli i Ibrahimoglu

32'- Bintsouka rrëzohet në zonë, por Taylor vazhdon lojën.

Rrezimi i Bintsoukës

28'- Egnatia provon me Zejnullain, ky i fundit gjuan, por topi shkon larg portës.

Rasti i Zejnullait

21'- Partizani gjen golin me Binsoukën, por taylor e anulon pasi ka faull në zonë. Protestojnë të kuqtë. 

Goli i anuluar i Partizanit

15'- Zgjohen te Partizani. Bintsouka nis Mba-në, ky i fundit godet në zonë, por gjuajtja e tij lë për të dëshiruar. 

Aksioni i Partizanit

7'- Egnatia shfaqet rrezikshëm, Ibrahimoglu "tremb" Partizanin. 

Rasti i Ibrahimoglu

5'- Egnatia provon të surprizojë Partizanin, por lojtarët rrogozhinas nuk tregohen të saktë nga goditja e dënimit.

1’- Partizani synon titullin e dytë rresht dhe Egnatia në kërkim të historisë, starton finalja në “Air Albania”