SKËNDERBEU – DINAMO 2 – 2 (Cucka 16', Rashica 34'/ Itodo Mandela 14', Vila 53')
Ndeshja:
Është mbyllur në barazim sfida mes Skënderbeut dhe Dinamos. Në duelin e zhvilluar në Korçë u shënuan plot 4 gola, por në fund nuk nxori fitues.
Golin e parë të këtij takimi arriti ta shënojë Itodo Mandela në minutën e 14-të, ndërsa dinamovitët i dedikuan këtë gol Martin Canit, adoleshentit që u vra pas thikës në zemër para disa ditësh. Por avantazhi i “Bluve” zgjati vetëm 2 minuta pas Skënderbeu shënoi me Çuçkan në minutën e 16-të, ku Rashica asistoi për të.
Një sfidë vërtet e luftuar mes dy ekipeve, me korçarët që gjetën edhe golin e dytë në minutën e 34-të me Rashicën, teksa këtë herë Çuçka i riktheu “reston” dhe asistoi për kapitenin e Kombëtares U-21. Pjesa e parë do të mbyllej me avantazhin e vendasve, ndërsa pas thuajse 9 minutash nga starti i pjesës së dytë, Dinamo do të gjente golin.
Në minutën e 53-të Lorenc Vila do të mposhte Alian dhe do të barazonte shifrat për të çuar në festë skuadrën e Dinamos. Në minutat e mbetura pavarësisht këmbënguljes dhe rasteve të pafundme nga dy skuadrat, lojtarët nuk ia dolën të gjenin sërish rrugën e rrjetës, duke bërë që kjo sfidë të mbyllej në barazim 2-2. Ekipet ndajnë kështu nga 1 pikë në javën e 14-të të Superiores.
Pas këtij barazimi Dinamo shkon në kuotën e 21 pikëve në vendin e 3-të, ndërsa Skënderbeu nga ana tjetër mbetet në vendin e 8-të me 13 pikë.
Superiore: Java e 14
Stadiumi: “Skënderbeu”
Arbitër: Enea Jorxhi
FORMACIONET ZYRTARE:
SKËNDERBEU: Alia, Vaskez, Rabiu, Rashica, Dumfur, Doka, Janaqi, Çuçka, Zenullari, Frenklin, Bismark. Trajner: Ivan Gvozdenovic
DINAMO: Sali; Zabërgja, Gudiabi, Mandela, Vila, Maliqi, Qefalija, Dita, Meksi, Loran, Toli. Trajner: Ilir Daja
LIVE:
90+4'- Mbyllet 2-2 sfida në Korçë, Skënderbeu dhe Dinamo ndajnë pikët.
70'- Raste nga në të dyja portat, por nuk ka gol.
53'- Dinamo barazon shifrat. Lorenc Vila rikthehet te goli dhe çon "peshë" zemrat e Bluve.
46'- Nis pjesa e dytë, Dinamo kërkoin golin e barazimit.
45+2'- Mbyllet pjesa e parë. Skënderbeu udhëheq 2-1 ndaj Dinamos.
34'- Skënderbeu permbys gjithçka. Cucka - Rashica dhurojn "show". Kapiteni i Kombëtares U-21 tund rrjetën e dinamovitëve pas asistit të Cuçkës.
20'- Dinamo i shkon asërish afër golit. Alia dhe Bismark shpëtojnë korçarët.
16'- Zgjat pak avantazhi i Dinamos, Cucka sjell baraspeshen në Korçë.
14'- Gol Dinamo. Itodo Mandela tund rrjeten e Skenderbeut. Nje gol qe shkon per Martin Canin.
1’- Starton sfida mes Skënderbeut dhe Dinamos, ekipet në kërkim të 3 pikëve.
Lexo gjithashtu
