Ka përfunduar sfida mes Dinamos dhe Laçit, e vlefshme për javën e 26-të të Superiores. Në sfidën e zhvilluar në stadiumin “Elbasan Arena”, ishin dinamovitët ata që ia dolën të fitonin me rezultatin 2-0.
Dy golat për skuadrën e drejtuar nga Ilir Daja u shënuan nga Dejvi Bregu. Si fillim sulmuesi gjeti rrugën e rrjetës në minutën e 2-të, ndërsa për golin e dytë mendoi në minutën e 68-të.
Me këtë fitore, Dinamo shkon në kuotën e 44 pikëve dhe merr vendin e dytë, duke parakaluar Vllazninë. Në krahun tjetër, me 30 pikë, Laçi mbetet në vendin e 5-të në tabelën e klasifikimit.
DINAMO – LAÇI 2 – 0 (Bregu 2', 68')
Superiore: Java e 26-të
Stadiumi: “Elbasan Arena”
Arbitër: Ermis Çelaj
Formacionet zyrtare:
DINAMO: Teqja, Hoxha, Zabërgja, Gudiabi, Bregu, Tiago, Qefalija, Meksi, Aliji, Lorran, Toli. Trajner: Ilir Daja
LAÇI: Molla, Kurti, Lleshi, Bibo, Manellari, Prodani, Melo, Traore, Opeh, Da Silva. Trajner: Françesko Moriero
LIVE:
68' GOL DINAMO! Shënon Bregu.
45'+4 Mbyllet pjesa e parë. Dinamo udhëheq 1-0 ndaj Laçit me gol të Dejvi Bregut.
30'- Laçi i shkon afër golit, por kurbinasit nuk e shfrytëzojnë siç duhet topin e ardhur nga goditja e këndit.
15’- Nani niset nga e djathta në kundërsulm dhe pason në zonë për Zabërgjen, gjuajtja e të cilit është shumë e lehtë dhe shkon në duart e portierit.
13’- Laçi ka kontrollin e lojës në këto minuta, teksa tenton të gjejë shpejt një hapësirë para portës për të synuar barazimin.
2'- Dinamo kalon menjëhere në avantazh. Dejvi Bregu shënon nga distanca dhe gjen rrugën e rrjetës.
1’- Starton sfida në Elbasan, Dinamo dhe Laçi në kërkim të fitores.
Lexo gjithashtu
