Partizani 1-0 Skënderbeu
(Bintsouka 47')
Final Four: Gjysmëfinale
Stadiumi: Air Albania
Arbitër: Enea Jorgji
Partizani është skuadra e parë finaliste e Final Four. Të kuqtë mposhtën Skënderbeun në gjysmëfinalen e luajtir në Air Albania ku heroi ishte Archange Bintsouka i cili shënoi golin e vetëm në startin e pjesës së dytë.
Një ndeshje ku djemtë e Orges Shehit nuk u vunë thuajse asnjëherë në vështirësi duke dominuar çdo aspekt të lojës dhe fushës. Shumë raste të shpërdoruara, por në fund mjaftohen vetëm me 1 gol për të prekur finalen e 26 majit, sërish në impiantin e kryeqytetit.
Skënderbeu do të luajë në finalen e vogël të 24 majit për vendin e 3-të ku përballë do të ketë humbësen e gjysmëfinales tjetër, Egnatia – Vllaznia e cila luhet më 19 maj.
Formacionet zyrtare:
Partizani (4-3-3): Qirko; Hadroj, Sota, Sembene, Atanaskoski; Murataj, Magguete, Rrapaj; Bintsouka, Mba, Skuka. Trajner: O. Shehi
Skënderbeu (4-3-1-2): Alia; Vangjeli, Prençi, Dwumfour, Gërço; Janaqi, Rabiu, Yuri; Liço; Rashica, Nikaj. Trajner: I. Gvozdenovic
LIVE:
90+5' Përfundon ndeshja, Partizani në finale.
83' Tjetër tentativë nga distanca e Skënderbeut, sërish qendrore për Qirkon.
76' Goditja e parë në portë e Skënderbeut, Gërço gjuan nga distanca dhe gjen gati Qirkon.
69' Hadroj e tepron me mbajtjen e topit, Liço përfiton dhe godet në hyrje të zonës, por gabon në shënjestër.
67' Mensah provon nga distanca, por topi shkon jashtë kuadratit.
64' Krosim i Rrapajt nga këndi, Sota gjuan fort me kokë, por topi shkon mbi traversë.
47' GOL! Asist fantastik i Rrapajt dhe Bintsouka shtyn topin drejt rrjetës. Partizani në avantazh.
46' Nis pjesa e dytë.
45' Mbyllet pjesa e parë.
39' Murataj pason për Bintsouka brenda zone dhe sulmuesi godet me një kthesë direkte, por topi shkon mbi traversë.
28' Rast i artë, Atanaskoski pason për Bintsouka me portën bosh, por sulmuesi nuk e shtyn topin drejt rrjetës.
21' Kundërsulm i Partizanit, Skuka, Bintsouka e Mba dalin shpejt përpara, por ky i fundit godet keq nga distanca duke mos preferuar pasimin.
13' Kombinim fantastik mes Rrapajt dhe Magguete, vlonjati del i vetëm para porte dhe gjuan jashtë.
12' Tjetër krosim në zonën korçare, Sota e kthen me kokë dhe më pas e largon mbrojtja.
8' Krosim i lartë në shtyllën e dytë dhe Sota e kthen në qendër, Skuka godet me të parën fluturimthi, por topi përplaset me mbrojtjen.
2' Fantastik Marko Alia, i mohon mrekullisht golin Partizanit.
1' Fillon gjysmëfinalja, ekipet duan fitoren.
Lexo gjithashtu
