Tirana dhe Partizani kanë barazuar në derbin e sotëm, sfidë e vlefshme për javën e 15-të të Superiores. Ndeshja e zhvilluar në stadiumin “Air Albania”, përfundoi në barazim pa gola 0-0.
Një sfidë “fotokopje” me atë të fazës së parë, ku në derbi mungojnë përsëri golat. Edhe pse Partizani ishte më kërkues sidomos në pjesën e dytë, “të kuqtë” nuk ia dolën që të shënonin.
Vlen të përmendet që në minutën e 28-të u shënua një autogol nga Sembene, që solli festën e Tiranës. Por pas verifikimit në VAR ky autogol u anulua për shkak të një pozicioni të parregullt gjatë aksionit të Tiranës.
Gjithashtu në minutën e 98-të të sfidës, Pano Qirko priti një penallti të goditur nga Fatmir Prengaj. Kështu portieri i “Demave” kthehet në hero, duke nxjerrë të paktën 1 pikë nga kjo sfidë.
Me këtë barazim, Partizani mbetet në vendin e parë me 28 pikë, plus dy nga vendi i dytë që mbahet nga Egnatia. Në krahun tjetër, Tirana mbetet e 7-ta me 16 pikë të grumbulluara.
Tirana 0 – 0 Partizani
Superiore: Java 15
Stadiumi: “Air Albania”
Arbitër: Florjan Lata
FORMACIONET ZYRTARE:
TIRANA: Selmani, Përgjoni, Kola, Dembele, Isuf, Soler, Jonuzi, Meta, Gjumsi, Haxhiu, Jarmouni. Trajner: Gugash Magani
PARTIZANI: Qirko, Sembene, Preka, Domgjoni, Hadroj, Kote, Ismaili, Rrapaj, Cara, Keko, Mba. Trajner: Aleksandar Veselinoviç
LIVE:
90+8' Prenga humbet penalltinë, Qirko pret goditjen e sulmuesit bardheblu.
90+3' Sherr në derbi, te Tirana kërkojnë penallti.
78' Selmani përsëri protagonist, Partizani shpërdoron.
53' Partizani nuk ndal goditjet, Selmani kundërpërgjigjet në mënyrën e duhur.
49' Goditje vrastare e Carës, por Selmani në gatishmëri.
45+3' Mbyllet pjesa e parë, Tirana dhe Partizani në barazim pa gola.
45+1' Mba i afrohet golit, por gabon në momentin e fundit.
42' Tirana pranë golit me Kolën.
32' ANULOHET GOLI! Pozicion i parregullt sipas VAR.
28' GOL TIRANA! Sembene shënon autogol.
19' Mundësi për Partizanin, Rrapaj rrezikon portën bardheblu.
1’ Në “luftë” për ngjyrat e kryeqytetit, nis mes spektaklit derbi mes Tiranës dhe Partizanit.
Lexo gjithashtu
