Partizanit dhe Laçit iu dënuan respektivisht me nga 2 ndeshje Vangjel Zguro dhe William Cordeiro, pas javës së parë në Superiore. Shkak u bënë provokimet ndaj tifozërive kundërshtare, për të cilat dhe u ndëshkuan me karton të kuq.
Të dy kaluan 1 ndeshje dënim gjatë javës së shkuar, teksa supozohet t’i kishte mbetur dhe 1 tjetër. Megjithatë “Disiplina dhe Etika” zbuloi në vendimet e sotme se Laçi ka paguar për të shlyer me gjobë pjesën e mbetur të dënimit për sulmuesin e saj.
Në anën tjetër Partizani nuk ka bërë të njëjtën gjë me Vangjel Zguron. Kështu është lënë në “baltë”, mund të thuhet njëjtë siç bëri vetë mbrojtësi me të kuqtë në ndeshjen me Vllazninë.
Kujtojmë se të nënkampionët përballen nesër me Teutën. Sfida merr jetë në orën 20:00 te stadiumi “Niko Dovana”.
Lexo gjithashtu
