Egnatia është kampionia në fuqi e Superiores, me rrogozhinasit që në këtë sezon janë sërish një nga ekipet pretendentë për të triumfuar sërish. Skuadra e udhëhequr nga Edlir Tetova pjesën më të madhe të këtij sezonbi ka kryesuar, teksa aktualisht kanë 3 pikë më shumë se rivali më i afërt i tyre në klasifikim që është Dinamo.
Edhe 6 javë kanë ngelur nga fundi i kampionatit të rregullt në këtë sezon dhe tashmë rrogozhinasit do të kërkojnë të marrin maksimumin e pikëve për të përfunduar sërish sezonin në vendin e parë. Kjo pasi kampionët aktualë dëshirojnë edhe të mbushin arkat.
Skuadrën që përfundon në vendin e parë në klasifikim pas 36 javëve kampionat FSHF-ja i shpërblen me 100 milionë lekë. Një shumë e konsiderueshme, që Egnatia tashmë i është vënë në “ndjekje” të saj.
Lexo gjithashtu
