Skënder Gega është rikthyer te Partizani, duke marrë mbi super përgjegjësinë e “shpëtimit” të këtij sezonit të të kuqve. Një rikthim i bujshëm i 61-vjeçarit, i cili ka një të shkuar të artë në krye të kryeqytetasve, me të cilët fitoi titullin në sezonin 2018-2019.
Tashmë Gega do të debutojë në stolin e “Demave” në aventurën e dytë, ndërsa synon rikthimin te fitorja të Partizanit. Tropojani nuk ka patur shumë kohë në dispozicion për të parë më detajisht ekipin, por 2 ditët e fundit ka zhvilluar stërvitjen.
Por ajo që mban “pezull” formacionin ndaj Laçit, duel që do të luhet ditën e sotme në orën 17:00 në “Arenën e Demave” është Kote dhe Gudjufi. Lojtarët kanë ende probleme dhe për aktivizimin e tyre do të vendoset vetëm pak para takimit.
Gjasat janë të mëdha që këto 2 futbollistë të mos luajnë, pasi vetëm pak orë na ndajnë nga sfida. Gjithsesi Gega ka “ideuar” formacionin me të cilët mund të luajë.
Formacioni i mundshëm:
Partizani: Qirko, Janjeva, Preka, Domgjoni, Atanaskovski, Ismaili (Kote), Mehmeti, Taipi, Zeka, Bintsouka, Podstrelov. Trajner: Skënder Gega
Lexo gjithashtu
