Superiorja nisi sonte sezonin 2024/25. Në stadiumin “Niko Dovana”, Teuta mposhti me rezultatin 2-1 ekipin e Bylisit. “Djemtë e Detit” ia dolën të përmbysin ballshiotët me dopietën e Emiljano Vilës.
Pas përfundimit të ndeshjes, foli për mikrofonin e RTSH trajneri i Teutës Edi Martini.
“Shumë e mirë nuk mund të them për lojën, nuk jam i kënaqur. Ndeshjet e para janë të rëndësishme pikët. Kur je në fitore, shumë gjëra mbyllen, por kemi shumë gjëra për të bërë.
Kishim dhe lojtarë të dëmtuar, por me këtë kontigjent jemi shumë më mirë se vjet. Nuk shoh ekipe që kanë rritje, unë jam më mirë se vjet dhe vjet më ka ikur për 1 pikë, 1 gol. Sivjet jam i sigurt që dal në katërtshe.
Ne kemi pothuajse 2 vjet që luajmë 3-5-2. Pjesën e dytë e kalova 4-3-3 dhe u detyrova prap ta kthej 3-5-2", u shpreh Martini.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
