Victor da Silva mund të rikthehet te Partizani. Sulmuesi ishte i pranishëm në “Arenën e Demave”, ku shikoi nga afër ndeshjen miqësore që Partizani zhvilloi ndaj Kukësit.
Braziliani me shumë gjasa mund të veshë sërish fanellën e të kuqve, me të cilët 3 sezone më parë ishte golashënuesi i skuadrës. Në sezonin 2022-2023, Da Silva arriti të shënonte 13 gola dhe të asistonte në 5 raste, duke ndihmuar Partizanin të fitojë titullin kampion.
Me transferimin e mundshëm të tij, drejtuesit do të shtonin një alternativë më shumë në ekio. Da Silva shihet si zëvendësuesi i duhur i Albers Keko, me këtë të fundit që u dëmtua në ndeshjen e Conference League.
Gjithsesi gjithçka mbetet të konfirmohet nga palët në ditët në vazhdim. Ndërkohë kujtojmë se përveç Partizanit, Da Silva ka luajtur me Vllazninë dhe Bylisin. Me ballshiotët ishte aventura e tij e fundit, teksa ësht pa ekip që prej janarit të këtij viti.
Lexo gjithashtu
