Vllaznia ka nisur vrullshëm merkaton, me qëllimin një dhe të vetëm, që sezonin tjetër të shpallen kampionë. Shkodranët janë në bisedime me disa lojtarë, teksa për disa prej tyre pritet vetëm zyrtarizimi.
Klubi kuqeblu është prej kohësh në bisedime me Lorenco Vilën, teksa së fundmi ka piketuar një tjetër sulmues të Dinamos.
Bëhet fjalë për Luis Kaçorrin. Sulmuesi dinamovit po mendon largimin nga “Blutë”, por jo nga Superiorja. Është pikërisht Vllaznia ekipi që ka shfaqur interes për shërbimet e 26-vjeçarit. Ky i fundit nuk e përjashton një lëvizje në këtë merkato, duke menduar Shkodrën si destinacionin e ardhshëm.
Kujtojmë që në këtë sezon që lamë pas, Kaçorri ia ka dalë që të luajë në 36 ndeshje mes kampionatit dhe Kupës, duke gjetur 9 herë rrugën e rrjetës dhe duke asistuar në 2 gola të tjerë.
Lexo gjithashtu
