Situata te Flamurtari nuk është aspak pozitive. Ditën e djeshme klubi njoftoi zyrtarisht largimin e Carlos Garcias. Por largimi i këtij të fundit nuk do të jetë i vetmi.
Kjo pasi Sinanin Idrizi është gati të bëjë “kokë turku” një tjetër pjesëtar të stafit të vlonjatëve. Në “fije të perit” është e ardhmja e Artim Pollozanit. Ky i fundit mban postin e drejtorit sportiv dhe prej 2 sezonesh është marrë me merkaton e skuadrës.
Siç duket e gjithë kjo situatë e krijuar te kuqezinjtë po i “faturohet” edhe drejtorit sportiv. Ditën e sotme pritet që të ketë një vendim mbi të ardhmen e tij, teksa flitet se tashmë klubi përveç një trajneri është në kërkim edhe të një drejtori të ri sportiv. Siç dihet aktualisht Flamurtari mban vendin e fundit në tabelën e klasifikimit me vetëm 2 pikë pas 6 ndeshjesh. Sfida e radhës për kuqezinjtë është një duel direkt për mbijetesë ndaj Partizanit.
Lexo gjithashtu
