Egnatia do të përballet këtë të shtunë në shtëpi kundër Elbasanit në kuadër të javës së 15-të të Superiores. Sfida që do të zhvillohet në stadiumin “Arena Egnatia”, nis në orën 13:30. Në prag të kësaj ndeshje ka folur trajneri i kampionëve në fuqi, Edlir Tetova.
“Java ka qenë shumë e mirë, lojtarët në dispozicion dhe jemi gati për nesër. Janë dy pezullime, Ndreca dhe Fangaj. Xhemajli është në gjendje gripale dhe e ka pasur të vështirë të stërvitet. Çdo ndeshje ka specifikat e veta, ajo me Bylisin ishte një transfertë e vështirë, por jemi të kënaqur me 3 pikëshin. Golat kanë qenë të shpërndarë te Egnatia, lojtarët po gjejnë veten avash avash.
Çdo ndeshja ka vështirësitë e veta, lufta është mes 10 skuadrave. Na pret një ndeshje e vështirë me Elbasanin, do të jetë e bukur dhe e luftuar. Lojtarët që kanë ardhur i kemi zgjedhur vetë, kemi balancë në mbrojtje dhe të sulmojmë portën kundërshtarët.
E rëndësishme është që një sulmues të jetë efektiv dhe më pas golat do të vijnë. Jam shpallur kampion me Elbasanin dhe nuk bëjmë dot krahasime, ajo është pjesë e së kaluarës dhe duhet të fokusem te skuadra ime. Nesër është ditë e bukur, mbush 100 ndeshje në krye të Egnatias, duhet të shpërblehem më mirë me ndeshjet e mbetura”, është shprehur trajneri i Egnatias.
Lexo gjithashtu
