Një rast i paprecedentë ndodhi në minutat e fundit të sfidës Partizani - Teuta. Dy sulmuesit e “Demave”, Xhuliano Skuka dhe Judah Garcia u përplasën me njëri-tjetrin.
Ishte pikërisht reagimi i dibranit, i cili kërkoi “konfrontimin” me sulmuesin tjetër të Partizanit. Kjo situatë solli irritimin e tifozëve të “kuq” me Skukën.
Ndërkohë që menjëherë pas ndeshjes, Skuka ka reaguar në rrjetet sociale, duke kërkuar ndjesë dhe duke shpjeguar se çdo shpërthim emocional i tij, ka të bëjë me pasionin për Partizanin.
Reagimi i Xhuliano Skukës:
Jam i vetëdijshëm se sjellja ime mund të mos ketë qenë më e mira, përkundrazi kërkoj ndjesë por dua të theksoj se kjo nuk vjen nga mungesa respekti apo dëshire për të qenë pjesë e këtij ekipi. Arsyeja pse reagoj ndonjëherë më shumë se ç'duhet është sepse këtë ekip e ndiej si shtëpinë time dhe dua të jap gjithmonë maksimumin.
Nuk jam këtu thjesht si ata që vijnë e ikin, por sepse kam një histori më të gjatë dhe më të thellë me këtë skuadër. Ky ekip për mua është shumë më tepër se një skuadër futbolli, është një pjesë e imja që dua ta çoj përpara me pasion, respekt dhe përkushtim.
Në fushë i lejm të gjitha, përvec rezultatit që do punojmë fort dhe do mundohemi të ngrejm ekipin aty ku e meriton. Jam gati të punoj me veten, të përmirësohem aty ku kam gabuar, sepse mbi të gjitha e dua këtë ekip dhe dua të jem pjeësë e tij denjësisht. Skuka i Partizanit!
Lexo gjithashtu
