Nëse sezonin e kaluar golat e Dinamos ishin të përqendruar të Peter Itodo Mandela apo Baton Zabërgja, trajneri Ilir Daja ka sjellë risi, jo vetëm në ekip, por edhe futbollin vendas.
Janë luajtur 9 javë kampionat në elitën e futbollit shqiptar dhe skuadra dinamovite luftonë për kreun, pavarësisht largimeve të dy goleadorëve në ekip si Mandela dhe Zabërgja.
“Revolucioni taktik” i trajnerit Daja ka të bëjë me “zhdukjen” e lojtarit me tiparet e numrit “9”, pra pa pykë në sulm. Nga skuadrat që ndodhen në pjesë e sipërme të tabelës, Dinamo është e vetmja pa një goleador, por me disa shënues si Bregu, Guindo, Vila, Hekuran Berisha, Goudiaby, Nani apo Neziri. Kjo skemë ka filluar të funksionojë shkëlqyeshëm në 5 ndeshjet e fundit, 4 fitore dhe 1 barazim.
Lexo gjithashtu
