Partizani dhe Bayer Leverkusen kanë një të përbashkët këtë sezon. Golat në minutat e fundit të takimit.
Kështu “Aspirinat” në Gjermani kanë pikasur për humbjet që kanë shmangur, apo fitoret e arritura pas minutës së 90’. Të njëjtën gjë ka arritur dhe Partizani në 7 ndeshje të Superiores këtë sezon.
Madje 6 prej golave të shënuar janë me vlerë fitoreje. Kështu pjesa e parë e sezonit në Superiore ka qenë dhe më me fat. Maguette kundër Laçit, Mensah përballë Tiranës dhe më pas me Erzenin i dhanë Partizanit fitore të rëndësishme në fazën e parë.
Më pas në fazën e dytë ishte Keko ndaj Teutës dhe Taipi kundër Laçit në minutën e fundit. Të gjithë golat e përmendur më sipër patën vlerën e fitores dhe 3 pikëve.
Në pjesën e dytë të sezonit, Partizani ka arritur me Skukën në frymën e fundit të marrë pikë përballë Egnatias. Së fundmi ishte Maguette që me golin e tij në minutën e 93’, i dha fitoren Partizanit në derbin kundër Tiranës.
Leverkusen i Xabi Alonsos ia doli të shpallej kampion, pikërisht dhe me golat e shënuar në limite. A do ia dalë Partizani? Pas 1 muaji do e kuptojmë.
Lexo gjithashtu
