Superioja ditën e djeshme ka mbyllur ndeshjet e javës së 12-të dhe tashnmë ekipet duhet të kthejnë menjëherë fokusin te sfidat e radhës. Takime mjaft të rëndësishme janë në program dhe që do të marrin vëmendjen e tifozëve.
Kështu java e 13-të e Superiores do të luhet në fundjavë. Saktësisht të shtunën do të luhen 3 takime dhe të dielën do të luhen 2 sfidat e mbetura.
Gjithçka do të nisë me sfidën mes Egnatias dhe Vllaznisë që do të luhet në “Egnatia Arena” në orën 14:00. Një përballje pretendentësh në Rrogozhinë. Ndërkohë paralelisht do të luhet edhe sfida mes Tuetës dhe Skendërbeun në “Niko Dovana”.
Në orën 17:00 e gjithë vëmendja do të jetë te derbi mes Dinamos dhe Partizanin. Takim që do të zhvillohet në “Elbasan Arena” dhe që do të marrë vëmendjen e tifozëve, pasi premton spektakël.
Ditën e dielë në orën 14:00 do të sfidohen mes tyre Laçi dhe Elbasani. Një tjetër duel interesant që do të jetë i luftuar në fushën e lojës.
Javën e 13-të do ta mbyllë sfidda mes Tiranës dhe Bylisit. Përballje kjo e parashikuar të zhvillohet në orën 17:00, me stadiumin që ende nuk dihet dhe mbetet të zyrtarizohet në ditët në vazhdim.
Lexo gjithashtu
