Klubet e kryeqytetit do të “përplasen” në një derbi si rrallherë në qytetin bregdetar të Vlorës. Sfida ishte programuar të luhej në orën 17:00 të pasdites, por është spostuar në mesditë në orën 14:00.
Kështu, në të njëjtën fash orare do të luhen 3 takime njëherazi për Superioren. Tirana si mikpritëse e ndeshjes pavarësisht se ajo zhvillohet në stadiumin e Flamurtarit ka publikuar sot çmimet e biletave. Vetëm hyrja VIP ka një çmim të caktuar, ndërsa tribunat e tjera janë falas për tifozët e “Bardhebluve”.
Përkatësisht, tribunat A, B, C të stadiumit “Flamurtari” janë pa pagesë, kurse tribuna e personazheve VIP është relativisht e lirë me një kuotë prej vetëm 700 Lekë (të reja). Kjo strategji e ndjekur synon të afrojë sa më shumë tifoz në qytetin e Vlorës dhe të lehtësojë sadopak shpenzimet e tyre në udhëtimin drejt jugut të vendit tonë.
Lexo gjithashtu
