Vllaznia dukej një ekip i pandalshëm disa javë përpara ku fitoret vinin njëra pas tjetrës. Shkodranët nga zona Play-Out u kthyen në pretendentë kryesor për fitimin e titullit kampion. Sigurisht, ende janë në ‘vallen’ e titullit, por forma në javët e fundit është shqetësuese.
Në 5 ndeshjet e fundit Vllaznia është skuadra që ka marrë më pak pikë në Superiore. Dy humbje dhe tre barazime i japin 3 pikë gjithsej nga 15 të mundshme. Edhe sulmi është ‘fikur’ teksa janë shënuar vetëm 2 gola, 1 prej të cilëve nga mbrojtësi Hakaj. Balaj dhe Gruda nuk janë më ata ‘vrasësit’ e kundërshtarëve që mbyllnin vetë ndeshjet.
Një ecuri alarmante përpara fazës finale të sezonit. Vendi në Final Four nuk është i cënuar, por mungesa e rezultateve mund të ndikoi në gjendjen e skuadrës në dy ndeshjet finale që do të luhen pas një muaji.
Lexo gjithashtu
