Bekim Balaj fitoi 3 çmime individuale ditën e djeshme në mbrëmjen gala “Topi i Artë”. Shkodrani mori “Këpucën e Artë”, “Formacionin e Vitit” dhe “Topin a Artë” që ëshët dhe më i rëndësishmi ndër të gjithë trofetë e ndara nga FSHF-ja.
Mbrëmë sulmuesi pasi mori çmimin më të vlefshëm të futbollit shqiptar pohoi se Vllaznia është mbi çdo gjë për të dhe se i është borxhli asaj. Ditën e sotme, lojtari i kuqebluve nuk vonoi dhe e tregoi me fakte dhe vepra se fjalimi i djheshëm ishte emocional dhe i vërtetë.
Klubi shkodran postoi në rrjetet sociale gëzimin e ndarë me shokët e stafin të ish-it të Kombëtares për çmimet individuale. Golashënuesi i skuadrës e mbajti fjalën se falë ekipit grumbulloi vlerësimet e arritura. Vetë Vllaznia pohoi këët gjë në fjalët e saj në postim.
Bekim Balaj vazhdon ecurinë fantastike në këtë moshë. Për “bomberin” tashmë i vetmi objektiv në mendje është titulli kampion, gjë për të cilën po punon më së forti që nga rikthimi në Shqipëri.
Lexo gjithashtu
