Sot tek Laçi ka festë të veçantë. Futbollisti Isi Manellari gëzon ditëlindjen ditën e sotme në kampin bardhezi.
Mesfushori me këmbën e djathtë të preferuar mbush plot 27 vjeç. Pogradecari është pjesë e kurbinasve që prej vitit 2022 dhe ka mbajtur veshur edhe shiritin e kapitenit përgjatë 2 viteve. Lojtari i klubit verior ka treguar potencialin që zotëron që prej ardhjes në Laç prej Tomorit.
Manellari është produkt i klubit liqenor pasi ka dalë nga akademia U-19 e Pogradecit. Ai po ashtu ka mbajtur veshur fanellën e ekipit të Kategorisë së Parë, si dhe ka patur eksperienca me ekipet e kryeqytetit, Partizani e Dinamo po pa mbërritur tek skuadra e të rriturve.
Isi Manellari këtë sezon ka luajtur mjaftueshëm, plot 21 sfida, ku ka treguar talentin. Pavarësisht se 27 vjeçari nuk ka shënuar, ka gjetur 1 asistim këtë edicion si dhe është aktivizuar 81 përqind të minutave të mundshme.
Lexo gjithashtu
