Bruno Gomes është largimi i parë nga skuadra e Vllaznisë. Ditën e djeshme klubi shkodran zyrtarizoi mbylljen e marrëveshjes me sulmuesin brazilian që arriti të shënonte 8 gola me fanellën kuqeblu këtë sezon.
Në faqen e tij në rrjete sociale, ai i ka dedikuar disa rreshta lamtumire ekipit ku nuk harron të ‘flasë’ shkodranshe.
“KF Vllaznia, faleminderit shumë për mbështetjen tuaj në këtë sezon. Fatkeqësisht nuk arritëm ta fitonim kampionatin, por jemi klasifikuar në Europe Conference League. Faleminderit Shkoder për mbështetjen tuaj per mua dhe familjen time që nga dita e parë që erdhëm, ju keni qenë kaq i mirë dhe miqësor me ne.
Kemi ardhur ne Shkoder 3 vete (une, gruaja ime dhe vajza ime) dhe do ta vazhdoj te mbaj Shkodren me vete pergjithmone, sepse djali im ka lindur ne Shkoder, keshtu qe ne po ikim ne 4 (une, gruaja ime, vajza ime dhe djali im), prandaj faleminderit për gjithçka.
Nuk di te shkruaj (faleminderit) ‘Shkodranshe’ nese dikush e di ju lutem me thoni por do mundohem: Faleminers, mirupashim!”- shkruan sulmuesi.
Lexo gjithashtu
