
Erbim Fagu me Orges Shehin, gjatë kohës kur punonin te Tirana
Erbim Fagut iu besua Tirana në shkurtin e këtij viti, për të mbyllur sezonin 2023/24. Ndeshja e radhës për bardheblutë, pas eleminimit në Kupën e Shqipërisë, është derbi i kryeqytetit përballë Partizanit.
Për Fagun do të jetë hera e parë si trajner në Derbi. Përballë do të gjejë pikërisht Orges Shehin.
Kujtojmë se të dy e njohin mjaft mirë njëri-tjetrin. Fagu ishte zëvendëstrajner te Tirana, në kohën që Shehi ishte timonieri i bardhebluve.
Një debutim i tillë është si në ëndrra për Erbim Fagu. Në rast se fiton, motivimi do të ishte i lartë për 3 ndeshjet e mbetura. E kundërta thuhet, kur vjen një disfatë përballë rivalëve më të mëdhenj.