Egnatia po përgatitet në Luz për ndeshjen e kthimit kundër Borca Banja Luca. Pasi humbën ndeshjen e parë me rezultatin 1-0, rrogozhinasit kërkojnë përmbysjen e madhe në ndeshjen e 17 korrikut.
Përveç përgatitjeve, Egnatia nuk është ndalur as në merkato. Newsport.al ka mësuar se klubi rrogozhinas ka transferuar në ekip një mesfushor nigerian, 21 vjeçar, Daniel Wotlai.
Është vetë futbollisti që i kontaktuar nga Newsport.al e ka pranuar që do të jetë pjesë e Egnatias për sezonin e ardhshëm. “Po, kam firmosur me ekipin e Egnatias një kontratë 3 vjeçare”, tha shkurt mesfushori nigerian.
Gjithashtu, Wotlai është stërvitur ditën e sotme me pjesën tjetër të ekipit, por nuk dihet nëse do të jetë i gatshëm për sfidën e kthimit kundër klubit boshnjak që do të zhvillohet në “Elbasan Arena”.
Kujtojmë që para se të transferohej te Egnatia, mesfushori që luan edhe në mbrojtje, ka qenë pjesë e ekipit të Abia Warrior në vendlindjen e tij. /Nikoll Rajta/
Lexo gjithashtu
