Edlir Tetova ka folur në prag të ndeshjes që Egnatia do të luajë nesër me Teutën. Trajneri i rrogozhinasve nuk ka shprehur zhgënjimin për zerimin e pikëve në fazën e “Final 4”.
“Kemi arritur objektivin e parë që është “Final 4”. Jemi pak komod, po kjo nuk do të thotë të ulim ritmin. Na duhet të rigjenerojmë të gjithë lojtarët t’i kemi gati për finalen.
Mendoj shenjë hakmarrje nuk ka. Do të shkojmë të bëjmë më të mirën, mendoj të mbaj skuadrën në ritmin e duhur për finalet. Shkoj me 4 mungesa në Durrës. Kemi dënime dhe dëmtime, megjithatë nga skuadra kërkoj maksimumin.
Mendoj që nuk ka kohë për rotacion. Jemi me 4 dëmtime. Ata që do zëvendësojnë çunat mendoj do bëjnë mirë.
Ishte ndeshje për t’u shijuar. Vazhdoj të këmbëngul që kartoni i Arbenitit nuk ka qenë i kuq, megjithatë ato që kanë gjykuar e kanë parë më mirë se unë.(Ndeshja me Vllazninë)
Deri në këtë moment kemi dhuruar futboll të bukur. Pritshmëritë në nivel. Mendoj të shoh përpara për të bërë më mirë, të vjen keq të zerohen pikët po jam pro risive dhe do ta respektoj deri në fund atë që do vijë.
Skuadra është mirë. Mendojmë akoma kemi për të bërë sepse janë finalet përpara. Baza kryesore është ruajtja e ritmit dhe komandimi i ritmit në lojë, do të jenë dy pikat që do na përfaqësojnë në finale”, u shpreh Edlir Tetova.
Lexo gjithashtu
