Kapiteni i Egnatias, Renato Malota foli pas fitores direkte me Partizanin që i ‘blindon’ rrogozhinasit në vendin e parë larg rivalëve.
“Në këtë pikë ishte një fitore e rëndëishme, më e rëndësishmja. Lamë pas Partizanin dhe i shkëputemi Vllaznisë me 6 pikë. Duke parë që kishim mungesa, sot luajtëm me një skemë të re që nuk e kemi praktikuar shumë. Deri diku shkoi mirë pasi gabime normalisht që ka.
Te goli i Partizanit, erdhi nga një gabim në mesfushë, na kapi në kundërsulm. Duhet ta shoh edhe njëherë për ta parë mirë pasi unë isha lojtari i fundit. Mund të jetë edhe meritë e kundërshtarit. Deri në këtë pikë e kemi treguar që bëjmë diferencën, oshilacione ka, por deri në këtë pikë ne e kemi merituar vendin e parë. I kemi dominuar të gjitha ekipet”, tha Malota.
Lexo gjithashtu
