Vllaznia dhe Tirana do të përballen sot në kuadër të javës ë 26-të të “Abissnet Superiorja”. Klasikja e Shqipërisë që do të zhvillohet në stadiumin “Loro Boriçi”, do të nisë në orën 19:00.
Në prag të këtij dueli në emisionin “Supergol” në RTSH ka folur edhe analisti i njohur, Ardi Behari. Ky i fundit ka theksuar se drejtuesit e klubit të Tiranës kanë bërë maksimumin, sidomos edhe me rikthimin e Orges Shehit si trajner, duke shtuar se u mbetet futbollistëve të bëjnë punën e tyre për të shpëtuar.
“Edhe Tirana që është në fund, ka kualitete. Nuk ka kualitete vetëm në fushë, por është kualitet i pritur edhe në pankinë. E njeh mirë kampionatin, ka pasur suksese. Nuk mund të bëjë diçka tjetër klubi që të shpëtojë nga kjo krizë, u ngelet aktorëve të fushës që të bëjnë punën”, tha Ardi Behari.
Lexo gjithashtu
