
Tirana
Tirana ka arritur marrëveshjen me Filip Najdovskin. Dhe pse pas përfundimit të kontratës u zyrtarizua largimi i tij, palët ranë dakord që të firmosnin kontratën e re.
Kujtojmë se Najdovski është pjesë e Tiranës prej vitit 2020. Me paraqitjet e tij fitoi dhe zemrat e tifozëve, që shpesh kanë shprehur me ngulm dëshirën për ta mbajtur në skuadër.
31-vjeçari fitoi shiritin e kapitenit te Tirana. Sezoni i fundit ishte më i vështiri, megjithatë problemet janë hedhur pas dhe sytë janë nga Europa.
Kujtojmë se Tirana luan në turin e parë të Conference League. Kundërshtari i tyre është Torpedo Kutaisi, ndërsa ndeshja e parë luhet në Gjeorgji më 11 korrik dhe ajo e kthimit në “Air Albania” më 18 korrik.
Poll