Tashmë mund të quhet e kryer, Filip Najdovski nuk është më një lojtar i Tiranës. Një lajm i pritshëm prej muajsh ku së shpejti pritet edhe zyrtarizimi final nga klubi.
Qendërmbrojtësi maqedonas u afrua para 4 sezonesh duke u kthyer menjëherë në një lider absolut të prapavijës, e në fillim të këtij sezoni mori edhe shiritin e kapitenit. Megjithatë, në janar nisën përplasjet brenda grupit dhe marrëdhëniet u krisën deri në kulm.
Kontrata skadon këtë qershor dhe palët s’kanë ndërmend të rinovojnë duke mbyllur një 4-vjeçar me 1 titull kampion dhe 1 Superkupë të fituar. Lojtari ka tërhequr letrat dhe pritet të rikthehet në vendlindje për të vijuar karrierën.
Megjithatë, pista Superiore mbetet ende e hapur për të pasi është Partizani që ka shprehur interes për ta afruar në skuadër.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
