Mahamadou Dembele është pranë largimit nga Tirana. Qendërmbrojtësi francez që u transferua në Superiore në merkaton verore që lamë pas, ka marrë një ofertë interesante në Austri.
Bëhet me dije se prej javësh ka mbërritur oferta zyrtare si tek lojtari, ashtu edhe tek klubi i Tiranës. Është ekipi austriak i Rheindorf Altach që kërkon shërbimet e mbrojtësit 25-vjeçar, që bën mjaft mirë edhe rolin e mesfushorit difensiv.
250 mijë euro është shuma e ofruar nga austrikët, me Tiranën që po mundohet që mos tundohet. Klubi bardheblu nuk ka dëshirë ta shesë mbrojtësin, të cilin e ka një nga pikat më të forta të ekipit.
Kujtojmë se Dembele ka luajtur këtë sezon 20 ndeshje me Tiranën, me një total prej 1444 minutash. Gjithashtu, francezi ka gjetur edhe 1 herë rrugën e rrjetës.
Lexo gjithashtu
