Ballkani i Ilir Dajës kërkon ta nisë merkaton në Shqipëri, aty ku i ka dërguar ofertë zyrtare Egnatias për një nga yjet e ekipit. Sipas “SuperSport”, klubi nga Theranda ka dërguar në zyrat e rrogozhinasve një ofertë zyrtare për Edison Ndrecën.
Ky i fundit ishte heroi i Egnatias në finalen e Kupës së Shqipërisë përballë Kukësit, ku shënoi golin e vetëm të sfidës. Ndërsa në sezonin e Superiores që sapo lamë pas, Ndreca ia doli që të shënonte 3 gola dhe të asistonte në 6 të tjera.
Tashmë pritet të shihet nëse Egnatia do të heqë dorë nga 29-vjeçari kurbinas, për ta lënë të lirë që të transferohet në Kosovë te Ballkani.
Kujtojmë që këta të fundit janë pretendetë seriozë për të arritur përsëri për të 3-tin vit radhazi në grupet e Conference League. Dhe për të arritur diçka të tillë, Ilir Daja dhe Ballkani kanë piketuar mbrojtësin e Egnatias, Edison Ndrecën.
Lexo gjithashtu
