Egnatia ka udhëtuar në Korçë pa dy lojtarë të rëndësishëm. Arbenit Xhemajli dhe Alessandro Ahmetaj nuk do të mund të japin kontributin e tyre në këtë sfidë të rëndësishme.
Mbrojtësi u dëmtua në sfidën që Egnatia zhvilloi me Elbasanin. Lojtari mësohet se ka këputur ligamentin dhe në këtë mënyrë i duhet një kohë e gjatë për t’u rikuperuar.
Një lajm i keq padiksutim për Edlir Tetovën dhe stafin e Egnatias, të cilët duhet të bëjnë pa shërbimet e tij në disa prej ndeshjeve të Superiores. Duke patur parasysh llojin e dëmtimit, me shumë gjasa Xhemajli do të mungojë më shumë se 1 muaj.
Ndërkohë Ahmetaj fatmirësisht nuk është i dëmtuar, por lojtari është i pezulluar. Mesfushori në duelin me Tiranën u ndëshkua me karton të verdhe dhe në këtë mënyrë do të jetë i skualifikuar për duelin me korçarët. Dy mungesa të rëndësishme për Tetovën, i cili duhet të “arnojë” mbrojtjen dhe mesfushën për ditën e sotme.
Lexo gjithashtu
