Bekim Balaj është lideri absolut i Vllaznisë. Bomberi është kapiteni i shkodranëve dhe si i tillë merr përgjegjësinë më të madhe mbi supe. Ky sezon nisi në mënyrën më të mirë për 33-vjeçarin që filloi të shënonte rregullisht duke u kthyer në një makineri e pandalshme.
Plot 17 gola në emër të tij duke prenotuar çmimin e golashënuesit të sezonit. Shifra të tilla kurrësesi nuk e dëmtojnë sezonin e tij pavarësisht formës aktuale. Balaj ka gati 2 muaj pa shënuar, që nga 29 marsi në barazimin me Erzenin në ‘Loro Boriçi’.
Vllaznia do të rikthehet në fushën e lojës të dielën ku sfidon Egnatian në gjysmëfinalen e Final Four, në orën 19:00 në Air Albania. Prania e Balajt është e sigurt dhe shkodranët varin shpresat te kapiteni i tyre. Tani është momenti ideal për t’u rikthyer Balaj i ‘vjetër’ e për të vijuar ëndrrën drejt titullit të 10-të kampion e yllit të parë në fanellë.
Lexo gjithashtu
